21 July 2010

BAMBANGAN In Da House!!!

Amannya, bahagianya, happynya dan yang sewaktu dengannya, bila dapat makan my favourite food, si bambangan, aduiii, orang limpas sebelah pun nda perasan oooo, aduiii, sadap oooo. 

Sis Gee ada tanya aku, dari mana aku dapat tu bambangan, kekeke. Kebetulan dia mo kirim kasi aku, kamu tau2 la ba, kesian ba tinggal di Tawau ni, susah mo dapat, kalau nasib ko bagus, bulih dapat di pasar tamu Takada sana time hari minggu. 



Kebetulan boss adik aku pulang kampung, nasib baik bagus moodnya, ada dia belikan beberapa kontena besar bambangan, aduiiiii, ngam2 mengidam ni (oiii, jgn salah sangka, I'm not pregnant okay), ekekeke. Macam aiskrim jak ku gasak tu bambangan, aduiii, tambah lada sikit, aduiiii! Sampai aku buat post ku di Facebook: "BAMBANGAN, I Love U!!". Laku trus, semua mengomen disitu, ish ish ish. Dari semalam, aku makan, makan, makan, macam mo kebas suda ni lidah ku terlampau makan, siap tapau bawa p opis lagi, aduiiii, nasi habis trus, biasanya nda habis makan, kekekeke!

Okaylah, time pulang suda ni, cukup2la aku merapu petang2 ni, kekekeke! Daaaaa....


2 Sweet Roses!:

adesss.....patutlah ko teda bunyi2 kan...ropa2nya ko pulun bambangan pula sana...hahaha...adedahh..ne kali la..jan sampai ko sakit dugal suda la mandak...kalu ko mo lagi nti sa kirim...but hurry, while stock lasts kama...hehehee

hahahahaha, tu la, sadap kopio bah, aduiiii, senangnya dalam hati, kekekkeek! malu sa ooo sis susah2 hantar, kekekeke...

Post a Comment

Share

Twitter Delicious Facebook Digg Stumbleupon Favorites More